༸ གོང་མ་ཁྲི་ཆེན་རིན་པོ་ཆེའི་བཀའ་ཡིག

ཕྱི་ལོ་ ༢༠༡༩ ཟླ་ ༠༢ ཚེས་ ༢༠ ཉིན་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་གིས་ངེད་ཡུ་རོབ་དཔལ་ས་སྐྱའི་སྨོན་ལམ་ཚོགས་པར་བཀའ་ཡིག་རིན་པོ་ཆེ་འདི་བསྩལ་གནང་མཛད་ཡོད། 

དེ་ཡང་འདི་ནས་གོ་སྒྲིག་ཞུ་བཞིན་པའི་ཡུ་རོབ་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་ཞེས་པ་ནི་ཚང་མས་མཁྱེན་གསལ་ལྟར་༸སྐྱབས་མགོན་༸གོང་མ་ཁྲི་ཆེན་མཆོག་དང་༸སྐྱབས་མགོན་༸གོང་མ་ཁྲི་འཛིན་༤༢ཆེན་པོ་མཆོག་རྣམ་གཉིས་ཀྱི་ཐུགས་ཀྱི་བཞེད་དགོངས་ལྟར་དབུས་སྨོན་ལམ་ཚོགས་པའི་ལམ་སྟོན་འོག་གསར་འཛུགས་ཞུས་པ་ཞིག་ཡིན། 

རིང་མིན་སྐབས་དང་པོའི་ཡུ་རོབ་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་དེ་བཞིན་ཚོགས་ལ་ཉེ་བས་དད་གཏོང་ལྷག་བསམ་གྱི་ཕྱུག་པའི་བསྟན་པའི་སྦྱིན་དག་རྣམ་པར་མཐུན་འགྱུར་གྲོགས་དན་གནང་རོགས་ཞུ་དགོས་པར་སོང་། ༸སྐྱབས་མགོན་༸གོང་མ་ཁྲི་ཆེན་མཆོག་ལ་རྒྱབ་གཉེར་གྱི་བཀའ་ཡིག་ཅིག་གནང་རོགས་ཞུས་དོན་ལྟར་བསྩལ་གནང་མཛད་པ་ཞིག་ཡིན། 

ཁྱེད་ཀྱིས་ཡུ་རོབ་དཔལ་ས་སྐྱའི་སྨོན་ལམ་ཚོགས་པར་མཐུན་འགྱུར་རོགས་རམ་ཅི་ཞིག་གནང་ཡང་༸སྐྱབས་མགོན་༸གོང་མ་ཁྲི་ཆེན་རིན་པོ་ཆེའི་བཀའ་ཡིག་གི་དགོངས་དོན་བཞིན་འདི་ནས་རྒྱལ་བའི་བསྟན་ལ་སྨན་པ་ཁོ་ནར་སྤྱོད་ཆོག་ཞུ་རྒྱུ་བཅས།

ཡུ་རོབ་དཔལ་ས་སྐྱའི་སྨོན་ལམ་ཚོགས་པས།

ཕྱི་ལོ་　༢༠༡༩　ཟླ་　༠༢　ཚེས་　༢༨　ལའོ།།