སྨོན་ལམ་ཐེངས་གསུམ་པ།
༄༅། ། བྱང་ཕྱོགས་ཐུབ་པའི་རྒྱལ་ཚབ་དཔལ་བརྩེ་བ་ཆེན་པོའི་རིང་ལུགས་འཛིན་པའི་ཆོས་སྡེ་ཁག་གི་དབུས་ཕྱོགས་དང་རིས་སུ་མ་མཆིས་པའི་དད་ལྡན་སེར་སྐྱ་ཕོ་མོ་ཡོངས་ལ།
ཆེད་གསོལ།
དེང་འཛམ་གླིང་སྤྱི་དང་བྱེ་བྲག་གངས་ཅན་ལྗོངས་འདིར་སྙིགས་མའི་རྒུད་ཚོགས་ཆེས་ཆེར་འཕེལ་ཏེ། མིའི་རིགས་ཀྱི་བཟང་སྤྱོད་དང་གོམས་གཤིས་སོགས་ཉམས་རྒུད་དུ་འགྲོ་བཞིན་པའི་དུས་འདིར། རླབས་ཆེན་བསོད་ནམས་ཀྱི་ནུས་པ་གོང་མཐོར་སྤེལ་སླད་དང་། བྱམས་བརྩེ་དང་ཤེས་རབ་ཀྱི་འབྱུང་གནས་སུ་གྱུར་པ་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་དེ་འཛིན་གྱི་སྐྱེ་བུ་དམ་པ་རྣམས་སྐུ་ཚེ་ཞབས་པད་བརྟན་པ། འཛམ་གླིང་སྤྱི་དང་ཡང་སྒོས་རང་ཡུལ་ཁ་བ་གངས་ཅན་གྱི་ལྗོངས་དེར། མི་འདོད་པའི་རྒུད་ཚོགས་མཐའ་དག་རང་སར་ཞི་ཞིང་བདེ་སྐྱིད་རྫོགས་ལྡན་གྱི་ཉི་གཞོན་གསར་པ་མྱུར་དུ་འཆར་བ་སོགས་ཀྱི་ཆེད་དུ་དམིགས་ནས། ཡུ་རོབ་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་ཐེངས་གསུམ་པ་དེ་ཕྱི་ལོ་ ༢༠༢༣ ཟླ་ ༠༧ ཚེས་ ༡༤ ནས་༡༦ བར་རིས་མེད་བསྟན་པའི་བདག་པོ། དུས་གསུམ་རྒྱལ་བའི་རང་གཟུགས། ཁམས་གསུམ་ཆོས་ཀྱི་རྒྱལ་པོ་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་གི་དབུས་བསྟན་བདག་བླ་ཆེན་རྣམ་པ་དང་། དགེ་འདུན་འདུས་པ་རྒྱ་མཚོ་བཅས་དབུ་བཞུགས་ཐོག་སུད་སིའི་གྲོང་ཁྱེར་འཛུ་རིག་ནང་དུ་འཚོགས་རྒྱུ་ཡིན་པས། དད་ལྡན་གང་ན་སུ་བཞུགས་རྣམས་དུས་དེར་ཆོས་ཚོགས་སུ་ཕེབས་ཐུབ་པའི་གསོལ་བ་རྩེ་གཅིག་ཏུ་འདེབས་པ་ལགས།
Dear dharma friend
We are very happy to announce that the third European Sakya Monlam will take place on 14-16 July 2023 in Buelach, near to Zurich in Switzerland. We are delighted to inform you that HH Sakya Gongma Trichen Rinpoche,HH 43rd Sakya Trizin Gyana Vajra Rinpoche will attend this event, together with other lamas. We hope that you and many other dharma friends will be able to attend and participate in this auspicious occasion.
| Event location: Stadthall Allmendstrasse 8 8180 Buelach
Date: 14-16 July 2023 |
ཡུ་རོབ་དཔལ་ས་སྐྱའི་སྨོན་ལམ་ཚོགས་པས།
Yours in the dharma EU Sakya Monlam committee.
Leave a comment